သင် ဘာကို ကြောက်နေသနည်း
လူတိုင်း ကြောက်တတ်ကြသည် ။
ဒေါ်နီ၊ ၄၀ နှစ် ၊ ဓာတ်လှေကားစီးတိုင်း ဘုရားတ,သည် ။
ဦးဘ ၊ ၅၈နှစ် ၊ ပင်စင်ယူရမှာ ကြောက်နေသည်။
ဥမ္မာ ၊ ၁၅နှစ် ၊ ကိုယ်တိုင်လည်း စိတ်ဝင်စားနေသည့် ကောင်လေးနှင့် ဧည့်ခံပွဲတွင် ဆုံရမှာကို ကြောက်နေသည်။
အသက်အရွယ်မရွေး ၊ လူမျိုးဘာသာမရွေး လူတိုင်းလူတိုင်း မှာ ကြောက်စရာကိုယ်စီ ရှိကြသည်။ ကိုယ်ကြောက်သည့်အရာ နှင့် ကြုံလျှင် လူတိုင်း ကလေးတစ်ယောက်နှယ် ဖြစ်သွားတတ်သည်။
အချို့က အမှောင်ကြောက်သည် ။ အချို့က ထိခိုက်နာကျင်မှာ ကြောက်သည်။ အချို့က သူတစ်ပါးကဲ့ရဲ့မှာ ကြောက်သည် ။ အချို့က ဆင်းရဲမှာ ကြောက်သည် ။ အချို့က တစ်ကိုယ်တည်းအဖော်မဲ့စွာ နေရမှာ ကြောက်သည် ။ သည်အရာတွေကို လက်ငင်း ကြုံတွေ့ရသည့်အခါ သို့မဟုတ် ကြုံတွေ့ရတော့မည့် အခါ၌ ကြောက်သလို ဝေးဝေးလံလံအချိန်ကာလမှာလည်း တွေးတော၍ ကြောက်တတ်သေးသည် ။
သို့သော်
ကြောက်စိတ်ဆိုသည်မှာ အချည်းနှီး အကျိုးမဲ့မဟုတ်ပါ ။ လူ၏ ပင်ကိုစိတ် သဘာဝ စိတ်တစ်မျိုး ဖြစ်သကဲ့သို့ လူကို အကျိုးပြု သော စိတ်လှုပ်ရှားမှုတစ်မျိုးလည်း ဖြစ်သည် ။
ကြောက်ရွံ့သည့် အခိုက်အတန့်တွင် လူ၏ ခန္ဓာကိုယ်အတွင်း၌ ရုပ်ပိုင်းဆိုင်ရာ ပြောင်းလဲမှု အများအပြား ဖြစ်ပေါ်သည် ။ နှလုံးခုန် မြန်လာသည် ။ ခန္ဓာကိုယ် တုံ့ပြန်မှု ယန္တရားတွေ သွက်လက်လာသည် ။ မျက်စိသူငယ်အိမ် ကျယ်လာပြီး မျက်စိတွင်း အလင်းရောင် များများ ဝင်လာသည် ။ ထို့ပြင် ခန္ဓာကိုယ် သွေးကြောများအတွင်း အဒရီနလင်ဓာတ် အများအပြား ထွက်လာသည် ။ အဒရီနလင် ထွက်လာသည့်အခါ လူသည် ရုတ်တရက် ခွန်အားတတ်သည် ။ အန္တရာယ်ကို ရင်ဆိုင်ရန် အဆင်သင့် ဖြစ်လာသည် ။ ခွေးရူး လိုက်သောအခါ ခြံစည်းရိုးကို ခုန်ကျော် ပြေးနိုင်ခြင်း ၊ မီးလောင်သည့် အချိန်တွင် သေတ္တာကြီးကို တစ်ယောက်တည်း အိမ်အောက်သို့ ထမ်းချလာနိုင်ခြင်း တို့သည် အဒရီနလင်၏ တန်ခိုးဖြစ်သည် ။
ရုပ်ပိုင်းအန္တရာယ် မဟုတ်ဘဲ စိတ်ပိုင်းအန္တရာယ် နှင့် ကြုံရချိန်၌လည်း ကြောက်စိတ်သည် လူအား စိတ်ပြဿနာများကို ရင်ဆိုင်နိုင်ရန် အဆင်သင့် ပြင်ဆင်ပေးသော သဘော ၊ အားတင်းပေးသော သဘောရှိပေသည် ။
ထို့ကြောင့် ကြောက်စိတ်ဟူသည် လူ၏ သဘာဝစိတ်ဖြစ်သည် ၊ လူကို ကူညီသောစိတ်ဖြစ်သည် ဟု ဆိုခဲ့ခြင်း ဖြစ်သည် ။
သို့သော် တကယ်ရှိသည့် အန္တရာယ်နှင့် ဖြစ်ပေါ်ခံစားရသည့် ကြောက်စိတ်တို့ မမျှမတ ဖြစ်သောအခါ (ဝါ ) အကြောက်လွန်သော အခါ၌ကား ပြဿနာဖြစ်လာပေသည် ။
( ဆရာဖေမြင့် ၏ “ မူမှန်စိတ် မူမှန်အတွေး မူမှန်အကျင့်အကြံ (၁) စာအုပ်မှ )
Zawgyi Version
သင် ဘာကို ကြောက်နေသနည်း
လူတိုင်း ကြောက်တတ်ကြသည် ။
ဒေါ်နီ၊ ၄၀ နှစ် ၊ ဓာတ်လှေကားစီးတိုင်း ဘုရားတ,သည် ။
ဦးဘ ၊ ၅၈နှစ် ၊ ပင်စင်ယူရမှာ ကြောက်နေသည်။
ဥမ္မာ ၊ ၁၅နှစ် ၊ ကိုယ်တိုင်လည်း စိတ်ဝင်စားနေသည့် ကောင်လေးနှင့် ဧည့်ခံပွဲတွင် ဆုံရမှာကို ကြောက်နေသည်။
အသက်အရွယ်မရွေး ၊ လူမျိုးဘာသာမရွေး လူတိုင်းလူတိုင်း မှာ ကြောက်စရာကိုယ်စီ ရှိကြသည်။ ကိုယ်ကြောက်သည့်အရာ နှင့် ကြုံလျှင် လူတိုင်း ကလေးတစ်ယောက်နှယ် ဖြစ်သွားတတ်သည်။
အချို့က အမှောင်ကြောက်သည် ။ အချို့က ထိခိုက်နာကျင်မှာ ကြောက်သည်။ အချို့က သူတစ်ပါးကဲ့ရဲ့မှာ ကြောက်သည် ။ အချို့က ဆင်းရဲမှာ ကြောက်သည် ။ အချို့က တစ်ကိုယ်တည်းအဖော်မဲ့စွာ နေရမှာ ကြောက်သည် ။ သည်အရာတွေကို လက်ငင်း ကြုံတွေ့ရသည့်အခါ သို့မဟုတ် ကြုံတွေ့ရတော့မည့် အခါ၌ ကြောက်သလို ဝေးဝေးလံလံအချိန်ကာလမှာလည်း တွေးတော၍ ကြောက်တတ်သေးသည် ။
သို့သော်
ကြောက်စိတ်ဆိုသည်မှာ အချည်းနှီး အကျိုးမဲ့မဟုတ်ပါ ။ လူ၏ ပင်ကိုစိတ် သဘာဝ စိတ်တစ်မျိုး ဖြစ်သကဲ့သို့ လူကို အကျိုးပြု သော စိတ်လှုပ်ရှားမှုတစ်မျိုးလည်း ဖြစ်သည် ။
ကြောက်ရွံ့သည့် အခိုက်အတန့်တွင် လူ၏ ခန္ဓာကိုယ်အတွင်း၌ ရုပ်ပိုင်းဆိုင်ရာ ပြောင်းလဲမှု အများအပြား ဖြစ်ပေါ်သည် ။ နှလုံးခုန် မြန်လာသည် ။ ခန္ဓာကိုယ် တုံ့ပြန်မှု ယန္တရားတွေ သွက်လက်လာသည် ။ မျက်စိသူငယ်အိမ် ကျယ်လာပြီး မျက်စိတွင်း အလင်းရောင် များများ ဝင်လာသည် ။ ထို့ပြင် ခန္ဓာကိုယ် သွေးကြောများအတွင်း အဒရီနလင်ဓာတ် အများအပြား ထွက်လာသည် ။ အဒရီနလင် ထွက်လာသည့်အခါ လူသည် ရုတ်တရက် ခွန်အားတတ်သည် ။ အန္တရာယ်ကို ရင်ဆိုင်ရန် အဆင်သင့် ဖြစ်လာသည် ။ ခွေးရူး လိုက်သောအခါ ခြံစည်းရိုးကို ခုန်ကျော် ပြေးနိုင်ခြင်း ၊ မီးလောင်သည့် အချိန်တွင် သေတ္တာကြီးကို တစ်ယောက်တည်း အိမ်အောက်သို့ ထမ်းချလာနိုင်ခြင်း တို့သည် အဒရီနလင်၏ တန်ခိုးဖြစ်သည် ။
ရုပ်ပိုင်းအန္တရာယ် မဟုတ်ဘဲ စိတ်ပိုင်းအန္တရာယ် နှင့် ကြုံရချိန်၌လည်း ကြောက်စိတ်သည် လူအား စိတ်ပြဿနာများကို ရင်ဆိုင်နိုင်ရန် အဆင်သင့် ပြင်ဆင်ပေးသော သဘော ၊ အားတင်းပေးသော သဘောရှိပေသည် ။
ထို့ကြောင့် ကြောက်စိတ်ဟူသည် လူ၏ သဘာဝစိတ်ဖြစ်သည် ၊ လူကို ကူညီသောစိတ်ဖြစ်သည် ဟု ဆိုခဲ့ခြင်း ဖြစ်သည် ။
သို့သော် တကယ်ရှိသည့် အန္တရာယ်နှင့် ဖြစ်ပေါ်ခံစားရသည့် ကြောက်စိတ်တို့ မမျှမတ ဖြစ်သောအခါ (ဝါ ) အကြောက်လွန်သော အခါ၌ကား ပြဿနာဖြစ်လာပေသည် ။
( ဆရာဖေမြင့် ၏ “ မူမှန်စိတ် မူမှန်အတွေး မူမှန်အကျင့်အကြံ (၁) စာအုပ်မှ )
إرسال تعليق