ဥစ္စာစောင့်ကိုပေးမိသောကတိ
^+^+^+^+^+^+^+^+^+^
[ 134 ] ပုဒ်မြောက်
လွန်ခဲ့တဲ့နှစ်များစွာကဖြစ်ရပ်မှန်ပါ
ပဲခူးရိုးမတောင်ခြေနားကမှိုင်းညို့ညို့တောတန်းကလေးသည်တဇောက်ကန်းငမဲတို့ရွာလေးဖြစ်သည်။
တဇောက်ကန်းငမဲနံမည်အရင်းကငမဲဖြစ်ကာဘာပဲလုပ်လုပ်တဇောက်ကန်းနိုင်သဖြင့်နံမည်ရှေ့တွင်
ဘွဲ့ထူးရထားခြင်းဖြစ်သည်လူကလည်းအသားညိုညိုနှင့်ပေစုတ်စုတ်ဖြစ်၍နဂိုရှိရင်းစွဲအသားထက်အမဲရောင်သန်းနေ၏
အခုတဇောက်ကန်းပဲခူးရိုးမတောထဲရောက်နေသည်သူ့တွင်လက်နက်ပစ္စည်းအစုံအလင်ဖြင့်
တောလည်နေခြင်းဖြစ်သည်သူကမုဆိုးအလုပ်ကျွမ်းကျွမ်းကျင်ကျင်မတတ်ပေမဲ့
တောလည်တော့ကျွမ်းသည်သူအခုတောလည်ရခြင်းအကြောင်းကသူတို့နေသောအရပ်နှင့်
အနီးဆုံးဖြစ်သောဒေသတွင်ဘုရားပွဲရှိသည်ထိုဘုရားပွဲသည်တစ်နှစ်တစ်ခါကျင်းပလေ့ရှိကာ
အလွန်စည်ကားလေသည်သမိုင်းဝင်ရှေးဟောင်းဘုရားဖြစ်၍တန်ခိုးကြီးသည်ဆုတောင်းပြည့်သည်။
ထိုဘုရာပွဲသို့အနယ်နယ်အရပ်ရပ်ကဘုရားဖူးသူများလာကြသည်။
ထိုဘုရားပွဲအတွက်တဇောက်ကန်းတို့လိုဘုရားပတ်ဝန်းကျင်မှာရှိသည့်ရွာနီးချုပ်စပ်မှာနေသောရွာသူရွာသားများအတွက်
စျေးကွက်စီးပွားရေးရှာရန်တစ်နှစ်တစ်ခါအားခဲထားသောပွဲကြီးပွဲကောင်းဖြစ်သည်။
ထိုဘုရားပွဲတွင်ရောင်းချရန်အတွက်သစ်ဥသစ်ဖုဆေးမြစ်များတောထဲမှရှားပါးသောပရဆေးပင်များ
ဆတ်တို့ဂျီတို့လိုသားကောင်များမြို့မှာအလွယ်တစ်ကူမရနိုင်သောပစ္စည်းအမျိုးစုံလင်စွာရောင်းချနိုင်ပါက
ငွေမျိူးမျိူးမြတ်မြတ်ရနိုင်တာကြောင့်လူတိုင်းနီးပါးအလုပ်ရှုတ်လျက်ရှိကြသည်။
ငမဲကရလာမည့်အခွင့်အရေးအတွက်လက်လွတ်မခံနိုင်၍တစ်တောဝင်တစ်တောင်တက်ဖြင့်ဟိုရှာဒီရှာလုပ်နေခြင်းဖြစ်သည်။
သူလိုချင်တာများရသင့်သလောက်ရပေမဲ့သူ့လောဘဖြင့်ဆက်၍ရှာဆဲနေကလည်းမြင့်လာပြီဖြစ်သည်။
သူလှိုတစ်ခုထဲဆင်းရင်းတောသည်နက်သထက်နက်လာကာစမ်းချောင်းကလေးတစ်ခုနားတွင်သူနားလိုက်သည်။
ဗိုက်ကလဲဆာလာပြီဖြစ်ကာသူခရီးလည်းတော်တော်ရောက်ခဲ့ပြီဖြစ်သည်ထို့ကြောင်ပါလာသော
ထမင်းထုတ်ကိုဖြေစားကာဗိုက်ဝသွားတော့ကြည်လင်နေသောစမ်းချောင်းထဲကရေနှင့်မျက်နှာသစ်ကာ
စမ်းချောင်းဘေးရှိအရိပ်ကောင်းသောသစ်ပင်ကိုမှီ၍အနားယူရင်းမှေးကနဲအိပ်ပျော်သွားမိသည်။
ထိုအချိန်တွင်သူဆန်းကြယ်သောအိမ်မက်လိုလိုအပြင်တွင်တစ်ကယ်ဖြစ်နေသလိုလိုနှင့်မြင်နေရ၏
စမ်းချောင်းနဘေး၌မိန်းကလေးတစ်ယောက်ရပ်နေသည်ကိုမြင်လိုက်ရတော့သူလန့်၍သွားသည်။
ထိုမိန်းကလေးသည်သူ့အားနောက်ခိုင်း၍ရပ်နေကာပိတုန်းရောင်လိုမဲနက်တောက်ပြောင်နေသော
ရှည်လျှားလှသည့်သူမဆံပင်များကိုနောက်ကျောတွင်ဖြန့်၍ချထားသည်မှာ
ခြေမျက်စိနားလောက်အထိပင်ရောက်ကာလေတိုက်၍ဆံနွယ်များလေထဲတွင်ဝဲကာလှပစွာလွင့်၍နေသည်။
ထိုမိန်းကလေးကစမ်းချောင်းဘက်မျက်နှာမူထားပေမဲ့သူမပုံစံကြည့်၍အလွန်လှမည်ဟုသူတွေးမိသည်။
ဒီလိုတောနက်ကြီးထဲမိန်းကလေးတစ်ယောက်တွေ့ရသည်မှာသာမန်မဖြစ်နိုင်ပေ
သူတောခြောက်ခံရသည်လားဒါမှမဟုတ်ဒီတောထဲဥစ္စာစောင့်တွေရှိသည်ဟုသူကြားဘူးတာများဖြစ်နေသလား
သူဝေခွဲရခက်နေပေမဲ့ထိုမိန်းကလေးကိုတော့သူမြင်ဖူးချင်သည်ဘာပဲဖြစ်ဖြစ်သူရဲ့တဇောက်ကန်းစိတ်ကမြင်ချင်သည်ကို
တားမရသည့်အဆုံးမိန်းကလေးနားတိုးကပ်သွားလေသည်ထိုအခါမိန်းကလေးနားမရောက်ခင်
ရုတ်တရက်ထိုမိန်းကလေးသည်သူ့ဘက်သို့ရုတ်တရက်လှည့်၍လာသည်ထိုအခါသူပါးစပ်ဟောင်းလောင်းဖြစ်၍သွားသည်။
သူ၏ဘဝတွင်ဒီလိုလှပချောမောသောမိန်းကလေးမျိုးတစ်ခါဖူးမှမမြင်ဘူးပေညို့အားကောင်းသော
သူမအလှကသူ့အားဆွဲငင်ထားသည့်အလားမျက်တောင်မခတ်တမ်းသူငေးကြည့်နေမိသည်။
သို့ပေမဲ့သူ့တစ်ကိုယ်လုံးချမ်းစိမ့်စိမ့်ကြီးဖြစ်နေကာကြက်သီးများထ၍နေသည်။
ထိုမိန်းကလေးကမပြုံးမရယ်ဘဲခပ်တည်တည်မျက်နှာထားနဲ့စကားဆိုလိုက်သည်။
''''ရှင့်ကိုအကူအညီတစ်ခုတောင်းစရာရှိတယ်-------အပေးအယူသဘောပေါ့----ဒါပေမဲ့အရော်အစားကြီးတယ်-------ရှင်စိတ်ဝင်စားရင်ပေါ့''''''
သူကထိုမိန်းမလှလေးစကားအားကမန်းကတန်းပင်လက်ခံလိုက်သည်။
''''' စိတ်ဝင်စားပါတယ်----လောင်းကြေးကဘာလဲ---''''''
'''''ရှင့်အသက်''''
''''ဗျာ'''''
သူတုန်လှုပ်သွားပေမဲ့တော်ရုံလောက်နှင့်တော့သူမဖြုံတတ်ပါသူ့အားကြောက်စေသောအရာသည်ဒီလောက၌မရှိဟုထင်သည်။
''''ရှင်သဘောတူရင်စမယ်-----ရှင်ဟိုစမ်းချောင်းအစပ်နားကကျောက်စရစ်ခဲတွေထဲက------ကြိုက်တဲ့အလုံးနှစ်လုံးကောက်သွား-----ပိုကောက်လို့မရဘူး-----
-----အဲထဲကတစ်လုံးကိုရှင်တို့ရွာကမနန်းရင်ကိုပေးလိုက်ပါကျွန်မတို့အတွက်ရည်စူးပြီးဘုရားလူအမျှပေးဖို့-ပြောလိုက်သူသိပါတယ်------
ကျန်တဲ့တစ်လုံးကိုရှင်ယူလိုက်ပါ----ကောင်းမှု့ကုသိုလ်လဲပြုအမျှလဲဝေ------ရှင်ပြောတဲ့အတိုင်းကတိတည်ရင်----အကျိူးထူးမယ်---မတည်ရင်ရှင့်အသက်ပေးရမယ်------'''''''
မိန်းကလေးကရှည်လျှားစွာရှင်းပြလိုက်သည့်အခါသူကစောဒကတက်လိုက်သည်။
''''ကျူ ပ်ကကျောက်စရစ်ခဲတွေကောက်ပြီးဘာလုပ်ရမှာလဲ''''''
'''ရှင်သွားကြည့်လိုက်လေပြီးမှသဘောတူပေါ့ဒါပေမဲ့ကတိတော့တည်ရမယ်"
ထိုအခါသူကကမန်းကတန်းစမ်းချောင်းစပ်နားသို့သွား၍ကြည့်လိုက်ရာသူ့မျက်လုံးတွေကိုပင်မယုံနိုင်အောင်ဖြစ်၍သွားသည်။
စမ်းချောင်းအစပ်နားကကြည်လင်စွာစီးနေသောရေအောက်တွင်ကျောက်စရစ်ခဲများသည်အဖိုးတန်ကျောက်သံပတ္တမြား
များဖြစ်နေကာအရောင်အသွေးစုံလင်စွာဝင်းလက်တောက်ပ၍နေပေသည်။
ထိုအခါသူကအားရဝမ်းသာစွာမိန်းကလေးအားအော်ပြောလိုက်မိသည်
'''သဘောတူတယ်ဗျာ'--ကတိပေးတယ်"
သူပြောပြီးနောက်လှည့်ကာမိန်းကလေးကိုထပ်၍တိုးတောင်းမည်ဟုစဉ်းစားလိုက်သော်လည်းမိန်းကလေးသည်နေရာတွင်
မရှိတော့ပျောက်ချင်းမလှပျောက်သွားကာသူလည်းအိမ်မက်ကလန့်နိုးသွားလေသည်။
သူစိတ်ထဲတစ်ကယ်ကြီးဖြစ်နေသလိုခံစားရကာဘေးဘီကိုကြည့်လိုက်သော်လည်းဘာမှမတွေ့ပေမိန်းကလေးအရိပ်အယောင်လည်းမမြင်ရပေ
ဒါနဲ့သူဇဝေဇဝါဖြင့်စမ်းချောင်းကလေးနားသွားကြည့်လိုက်သည့်အခါသူ့အိမ်မက်ထဲကအတိုင်းပင်
စမ်းချောင်းကလေးအစပ်နားကကျေက်စရစ်ခဲများသည်အရောင်တဖိတ်ဖိတ်တောက်နေသော
အရောင်အသွေးစုံသည့်တန်ဖိုးကြီးကျောက်များဖြစ်နေသည်ကိုအံ့သြဆန်းကျယ်စွာတွေ့လိုက်ရလေသည်။
ဒါနဲ့သူလည်းအိမ်မက်ကိုမေ့သွားကာတွေ့သမျှကောင်းနိုးရာရာကျောက်များသိမ်းကြုံးကာသူ့အိတ်ထဲထည့်ရင်းဝမ်းသာစွာပြန်ခဲ့လေသည်။
လမ်းတစ်ဝက်ရောက်တော့သူသယ်လာသောကျေက်များအားစိတ်မချ၍တစ်ခါထပ်၍ဖွင့်ကြည့်လိုက်ရာ
သူ့မျက်လုံးများအဆမတန်ပြူးကျယ်၍သွားလေသည်သူအလေးခံကာကြိုးစားပမ်းစားသယ်လာသည့်
ကျောက်များအားလုံးသည်သာမန်ကျောက်စရစ်ခဲများဖြစ်နေသည်ကိုမယုံနိုင်စွာတွေ့ရသည်။
သူကမန်းကတန်းသယ်လာသောကျောက်များအားလုံးကိုသွန်ချလိုက်သည်သူရင်သည်ပရမ်းပတာခုန်နေသည်။
ထိုအခါမှကျောက်များထဲမှလောက်စာလုံးအရွယ်ထက်သေးသောအနီရောင်တောက်နေသောကျောက်နှစ်လုံးမှလွှဲ၍ကျန်သည့်
ကျောက်များအားလုံးကျောက်စရစ်ခဲများသာဖြစ်နေသည့်အတွက်သူ့အိမ်မက်ထဲကမိန်းကလေးပြောသော
ကျောက်နှစ်လုံးထက်အပိုမယူနဲ့ဆိုသောစကားကိုပြေးသတိရမိကာကျောက်အကြီးဆုံးအလုံးကြီး
နှစ်လုံးရှာမယူခဲ့ရတာကိုနောင်တရမဆုံးတော့ပါသူ့ကိုယ်သူအပြစ်တင်ရင်းရွာပြန်လာ၏
ရွာပြန်ရောက်ပြီးသူကျောက်ရလာသည်ကိုဘယ်သူမှအသိမပေးပဲကျောက်စစ်မစစ်နောက်နေ့မြို့သို့တက်ကာရွေဆိုင်တွင်
ကျောက်ကိုပြကြည့်တော့သူဘဝမှာတစ်ခါမှမကိုင်ဘူးသောငွေကြေးပမာဏကိုပေးပေမဲ့သူကလောဘတက်စွာ
သူမရောင်းခဲ့သေးပေမြို့ကြီးပြကြီးတက်ရောင်းရလျှင်ဒီထက်မကရနိုင်သည်ဟုလောဘတွေစွတ်တက်နေမိသည်။
မိန်းကလေးမှာလိုက်သောရွာကမနန်းရင်အားပေးမည့်ကျောက်လည်းသူ့စိတ်ကမပေးချင်တော့ပေ
ပေးရင်ကောင်းမလားမကောင်းလားဝေခွဲရခက်နေသည်။
မနန်းရင်ဆိုတာကသိုက်ကလာသူဟုရွာကလူများပြောတာသူကြားဖူးနေသည်။
မွေးစကပင်သိပ်၍ဥာဏ်မမှီကျပ်မပြည့်ရှာပေသို့ပေမဲ့မိဘများကသူမမွေးပြီးကထဲကစီးပွားတက်လာသည်ဟု
ဆိုကာအလိုလိုက်၍အကြိုက်ဆောင်ထားသည်သူမသည်ယခုအခါအပျိူအရွယ်ပင်ရောက်၍နေပြီဖြစ်ပေမဲ့
သူမကရွာထဲကကလေးများနှင့်ရွာလမ်းတရှောက်လမ်းသလားကာဆော့နေတတ်လေသည်။
သူမရုပ်ရည်ကကျပ်မပြည့်ဆိုပေမဲ့ဖြူဖြူစင်စင်ကလေးဖြစ်ကာရုပ်မဆိုးလှသလိုကိုယ်လုံးကိုယ်ပေါက်ကလည်းအပြစ်ဆိုစရာမရှိပေ
ဒါပေမဲ့သူမကိုဘယ်သူမှမစော်ကားမပြစ်မှားရဲပေသူမမှာသတ္တိခဲငမိုက်သားအရက်သမားအကိုသုံးယောက်ရှိကာ
သူမရှေ့မှမဟာတံတိုင်းကြီးသဖွယ်ကာရံပေးထားသောကြောင့်ဖြစ်လေသည်သူမကသူ၏အကိုတို့အတွက်တော့တန်ဘိုးထားစရာ
တစ်ဦးတည်းသောညီမကလေးဖြစ်၏ရုပ်ရည်လေးကလဲသနားကပါးလေးဖြစ်သောကြောင့်အကိုများကအချစ်ပိုကြပေသည်။
သူလည်းမနန်းရင်အကြောင်းတွေးရင်းစဉ်းစားနေခြင်းဖြစ်သည်တစ်ခါတစ်ရံလောကကြီးက
အဆန်းတကြယ်ဖြစ်တတ်တာသဘာဝဟုသူထင်မိသည်ယခုလည်းမထင်မှတ်ပဲသူကံကောင်း၍ရလာသည်ဟုထင်သည်။
သူ့မှာလောဘတွေတက်နေကာစိတ်ကူးတွေယာဉ်နေ၍လေထဲတိုက်ဆောက်နေမိသည်။
သူတောထဲကပြန်ရောက်ကထဲကသူ့အိမ်ရှေ့တွင်လမ်းသလားနေသော
မနန်းရင်ကိုသူတမင်တကာမမြင်ချင်ယောင်ဆောင်နေလိုက်သည်
သူ့ရဲ့တဇောက်ကန်းစိတ်ကဘာဖြစ်ဖြစ်မပေးဘူးဟုဆုံးဖြတ်လိုက်သည်။
သူ့ဘဝချမ်းချမ်းသာသာနေရမည့်အရေးသူဘာကိုမှဂရုမစိုက်နိုင်ပါနောင်ခါလာနောင်ခါစျေးပဲဟုတွေးထားသည်။
သိုက်ကလာနှောက်လည်းအရေးမဟုတ်သူ့ကိုဘာများလုပ်နိုင်မှာမို့လဲဟုညစ်ကျယ်ကျယ်အတွေးတိမ်နေမိသည်။
သူမနက်ဖန်မြို့တက်ပြီးကျောက်သွားရောင်းရန်စီစဉ်ထားသည်သူကျောက်ရလာသည်ကိုအိမ်သားများပင်မသိပါ
အဲဒီညကတဇောက်ကမ်းငမဲတစ်ယောက်အိပ်ရင်းနှင့်ယောင်အော်နေသံများကြားနေရသည်။
'''''မလိုကဘြူးးးးးး-----မလာကှနဲ့----မလိုကဘြူးးးးး''''
'''''မပေးနိုင်ဘူးးးးးးကိုယ်နဲ့ထိုက်လို့ရလာတာ-----'''''
မနက်မိုးလင်းတော့အိပ်ယာကတော်တော်နဲ့မနိုးသောတဇောက်ကမ်းကိုသွားနိုးကြရာ
မျက်လုံးကြီးပြူးကာအသက်မရှိတော့သောတဇောက်ကန်းအလောင်းအားတွေ့ရလေသည်။
သူ့လက်ထဲတွင်ကျစ်ကျစ်ပါအောင်ဆုပ်ထားသောလောက်စာလုံးသာသာအရွယ်ကျောက်စရစ်ခဲနှလုံးအားမြင်ကြရာ
ဘာမှန်းမသိကြပဲကျောက်စရစ်ခဲတွေကိုင်ကာကယောင်ကတန်းတွေအော်ရင်းသေနေသည်မှာထူးဆန်း၍နေကြပေသည်။
တဇောက်ကမ်းငမဲအလောင်းအားအိမ်ရှေ့တွင်ပြင်၍ထားရာမနန်းရင်နှင့်ကလေးများသည်
ကစားရင်းလာ၍ကြည့်ကြရင်းနှင့်မနန်းရင်ကအလောင်းအားကြည့်ကာလက်ခုတ်လက်ဝါးတီးကာ
အော်ရယ်ရင်းကျယ်လောင်စွာပြောလိုက်သည်။
'''''ဟားးးးဟားးးးဟားးးကောင်းတယ်သေတာတောင်နဲသေးးးးးသေတာကောင်းတယ်'''''
ထိုအခါအသုဘအိမ်ရောက်နေသောမနန်းရင်အကိုများကအပြေးအလွှားမနန်းရင်ဆီရောက်လာကြကာအိမ်ရှင်အားတောင်ပန်၍မနန်းရင်အား
ချော့မော့ကာပြန်၍ခေါ်သွားကြလေသည်မနန်းရင်ကသူအကိုများဆွဲခေါ်ရာနောက်လိုက်သွားရင်း
ရွာလမ်းတစ်ရှောက်အော်၍သွားလေသည်။
'''''သေတာကောင်းတယ်-------ဟားးးးဟားးးဟားးးး'''
လူအများကတော့မနန်းရင်ကျပ်မပြည့်၍အော်ချင်ရာအော်နေသည်လိုပဲထင်ကြကာစိတ်မဆိုးကြပါ
မနန်းရင်ဘာကြောင့်တဇောက်ကန်းသေတာဝမ်းသာမှန်းလည်းဘယ်သူမှမသိကြပါ
မနန်းရင်စိတ်ထဲဘာတွေရှိနေသည်ကိုမနန်းရင်မှတစ်ပါးအခြားသူမသိနိုင်ပေ
D Moe Moe. & တိမ်လွှာမိုး
စာဖတ်သူတစ်ဦးချင်းအားကျေးဇူးတင်လျှက်
လေးစားစွာဖြင့်
#credit
إرسال تعليق