အဖေပြောဖူးတယ်။ တစ်ချို့လူတွေက ဆင်းရဲသင့်လို့ကို ဆင်းရဲနေတာတဲ့။

အဖေပြောဖူးတယ်။ တစ်ချို့လူတွေက ဆင်းရဲသင့်လို့ကို ဆင်းရဲနေတာတဲ့။

အစပိုင်းက ကျွန်တော် အဲဒီစကားကို နားမလည်ဘူးဗျ။ ဘယ်လိုမျိုး ဆင်းရဲသင့်လို့ ဆင်းရဲနေတာလဲပေါ့။

ဘယ်လိုလူတွေက ဆင်းရဲသင့်နေလို့လဲပေါ့။

အဲဒီစကားက ကိုယ်တိုင်ကြုံမှပဲ နားလည်ခဲ့ရတာ။

ကျွန်တော် အရင်က စီးပွားရေးတွေလုပ်တော့ အောင်မြင်တယ်ပဲ ပြောရမယ်။ ဘဏ်အကောင့်ထဲ သိန်းထောင်ဂဏန်းရှိခဲ့ဖူးတယ်ပေါ့ဗျာ။

ငွေလေး ဘာလေးရှိလာတော့ လိုအပ်မှန်းမသိ မလိုအပ်မှန်းမသိ လျှောက်ဝယ်တဲ့ဇာတ်လမ်းက စေတာ့တာပဲ။

Honda Fit လေး စစီးတယ်။ သိပ်မကြာသေးဘူး လမ်းမှာရပ်ထားတဲ့ Wish တစ္စီး လှလို့ဆိုပြီး Honda Fit ကို အရွုံးခံ ရောင်းပြီး Wish ကို ဝယ်ပြန်ရော။ 

Wish စီးတာ မကြာသေးဘူး။ သူငယ်ချင်းတွေက မင်းအနေထားကြီးနဲ့ Alphard လောက်တော့ စီးသင့်နေပြီ။ 

ဆီဖိုးလည်း တတ်နိုင်တာပဲ ဘာညာ ပြောတာနဲ့ Wish ကို ပြန်ရောင်း။ ပြန်ရောင်းတော့ ထပ်ရှုံးတယ်။

Alphard ထပ်ဝယ်တော့ ငွေက ထပ်လိုက်ရပြန်ရော။ ငွေကတစ်စစနဲ့ ရှုံးနေတာကို သတိမထားမိတာ။

အဲဒါလည်း အားမရေသးဘူး။ Ford ကား Showroom ရှေ့ရောက်တော့ Ford ကြီးလိုချင်ပြန်ရော။ အကောင့်ထဲမှာ ငွေရှိတာပဲလေဆိုပြီး ထပ်ဝယ်ပလိုက်ပြန်ရော။

ကိုယ့်ဝင်ငွေထက် ထွက်ငွေတွေက များနေတာကို သတိမထားမိဘဲ ကိုယ့်ရဲ့လိုချင်စိတ်ကို မထိန်းနိုင်ခဲ့တာဗျ။

စီးတီးမတ် တစ်ခါသွားရင် လိုတာကော မလိုတာကော ဝယ်။ တစ်ခါရှင်းရင် နှစ်သိန်းသုံးသိန်း။ ပြီးရင် ဘာမှလည်း အဖတ်မတင်ဘူး။

ကားတွေ ဝယ်နေတဲ့သူတွေ။ စီးတီးမတ်သွားတဲ့လူတွေကို ပြောတာမဟုတ်ဘူးနော်။ ကိုယ့်ဟာကို ဝင်ငွေနဲ့ထွက်ငွေ မမျှတာကို သတိမထားမိတာကို ဥပမာပြောပြတာပါ။

ဒီလိုနဲ့ လုပ်ငန်းတွေ ရှုံးပြီး ဝင်ငွေတဲ့ ရပ်သွားတဲ့အချိန်မှာလည်း အသုံးအဖြုန်းကတော့ မရပ်နိုင်သေးဘူး။

ဘယ်အချိန်မှရပ်လဲဆိုတော့ မြဲသြားမွပဲ ရပ်တော့တာ။

ဝင်ငွေထွက်ငွေ မမျှတရင်လည်း ဆင်းရဲသင့်တဲ့ လူစာရင်းထဲ ထိပ်ဆုံးက ပါနေပြီဗျ။

ငွေရှာဖို့ အရေးကြီးပေမယ့် ရှာလာတဲ့ငွေကိုထိန်းသိမ်းတတ်ဖို့ကပိုပြီးအရေးကြီးပါတယ်။

ရွာတာ တစ်လဆယ်သိန်းဆို ဆယ်သိန်းလုံး သုံးမပစ်သင့်ဘူးဆိုတာ လူတိုင်းသိပေမယ့် လိုက်နာဖို့ကျတော့ ခက်ခဲတယ်။

ဆယ်သိန်းဝင်လို့ ငါးသိန်းသုံးပြီး ငါးသိန်းစုနိုင်ရင်တော့ အကောင်းဆုံးပေါ့။

အခုဒီစာဖတ်နေတဲ့သူတွေကို ကျွန်တော် ပြောချင်ပါတယ်။ 

ဝင်ငွေတွေကို အကုန်မသုံးပါနဲ့။ မလိုအပ်တာတွေ သိပ် မဝယ်ပါနဲ့။ နောက်ပိုင်းဆို ငွေရှာရ ပိုခက်ခဲနိုင်ပါတယ်။ ငွေစုပါ။ စုလာတဲ့ငွေကို ရင်းနှီးမြှုပ်နှံပါ။

ကျွန်တော် ဝင်ငွေထွက်ငွေ မမျှလို့ မြဲဖူးလို့ စေတနာနဲ့ ရေးတာပါ။

ကျွန်တော်မှ မဟုတ္ဘူး။ ငယ်သူငယ်ချင်းတစ်ယောက်လည်း ဒီလိုပဲ။

သူအဆင်ပြေနေတဲ့အချိန် ဘဏ်ထဲမှာ သိန်းနှစ်သောင်းကျော်ရှိတယ်။

သူကကျတော့ လောင်းကစားလုပ်တာ။ မြဝတီဘက် ကာစီနို သွားဆော့တာ အခုဆို နေစရာ အိမ်တောင်မရှိတော့လို့ သူများအိမ်ကပ်နေနေရပြီ။

ဝင်ငွေထွက်ငွေ မချိန်တတ်တဲ့အပြင် လောင်းကစားပါ ငြိသွားတော့ ဆင်းရဲသင့်တဲ့ လူစာရင်းထဲ ပါသွားတာပေါ့။

အရင်က ကိုယ်အသုံးမကျခဲ့ကြောင်း ကိုယ်ကျရှုံးခဲ့ကြောင်း ရေးရတာ သိပ်တော့ သက်တောင့်သက်သာ မရှိလှပေမယ့် ကိုယ်တွေ သတိမထားခဲ့လို့ မြဲခဲ့ဖူးသလို ဘယ်သူ့ကိုမှ ထပ်မဖြစ်စေချင်လို့ ဒီစာကိုရေးပေးတာပါ။

အခုယိုပေါက်တွေ ပိတ္လိုက္လို့ အရင်ထက် ပိုအဆင်ပြေနေပါပြီ။

ဆင်းရဲသင့်တဲ့သူက ဆင်းရဲနေဦးမှာမို့လို့ ဝင်ငွေနဲ့ ထွက်ငွေ အမြဲတမ်းချိန်ဆ အသုံးပြုနိုင်ကြပါစေ။  ။

#ဘဝရဲ့ခရီးသည် 

Credit : Original author

မိုးဟိန်း‌ေကျာ်_Maths မျှဝေပါသည်။