လောကမှာ ကိုယ့်ကိုယ်ကိုယ်
အားကိုးတတ်တဲ့ လူက အလှဆုံးပဲ ။
ဘယ်သူ့ဆီက အကူအညီကိုမှ
သိပ်မမျှော်လင့်တဲ့သူက စိတ်ချမ်းသာရဆုံးပဲ ။
လူတိုင်းက ကိုယ်နေတတ်သလို ၊
ကိုယ်အဆင်ပြေသလိုပဲ နေကြတာ ။
ကိုယ်တတ်နိုင်သလောက်ကို ကိုယ့်ခွန်အားကိုယ်သုံးပြီး တောက်ပနေတဲ့ ကြယ်ကမှ အလင်းလက်ဆုံး ။
တခါတလေ ကျွန်မတို့ တွေးတတ်ကြ ၊ တွေးမိတတ်ကြတယ်
ဒါလေးတောင် မကူညီဘူးလား
ဒါလေးတောင် မလုပ်ပေးချင်ဘူးလား အစရှိသဖြင့်ပေါ့
တကယ်တော့ ကိုယ့် အခက်အခဲ ၊
ကိုယ့် ဒုက္ခ ၊ ကိုယ့်မနိုင်နင်းမှုကို
ကူညီဖြေရှင်းပေးဖို့ ဘယ်သူ့မှာမှ တာဝန်မရှိလို့
သူများကို သွားအပြစ်တင်လို့မရဘူး ။
ကိုယ်ရုန်းမှ လွတ်မယ့် လွတ်မြောက်ခြင်း
ကိုယ်လုပ်မှ ပြီးမယ့် အလုပ်ကို
ဘယ်သူ့ဆီကိုမှ မမျှော်လင့်လေလေ အေးချမ်းလေလေ ပဲ ။
မဟုတ်ရင် အတွေးတွေနဲ့ သိပ်ပူလောင်ရတယ်
မနိုင်ရင် လွှတ်ချလိုက်
မလုပ်နိုင်ရင် နားနေလိုက်
သူစိမ်းဆီက သိတတ်မှုကို
တောင့်တမိတဲ့အခါ
ကျွန်မတို့ နှစ်ဆ ပိုပင်ပန်းရတယ် ။
#သက်ထားခင်(THK)
#ကိုယ်နိုင်တဲ့ဝန်ပဲထမ်းပါ
Dec19,2020
Photo-Pinterest
Post a Comment