သေရင် ယူသွားလို့ မရပေမယ့်
ငွေ မရှိရင် သေတော့မည့် အတိုင်းပါပဲ။
မေတ္တာစစ်ကို ဝယ်ယူလို့ မရပေမယ့်
ငွေ မရှိရင် ဘယ်သူမှ
အနား မကပ်ချင်ကြပြန်ဘူး။
ကောင်းမွန်တဲ့ အိပ်စက်ခြင်းမျိုးကို
ငွေက မဖန်တီးပေးနိုင်ပေမယ့်
မကျန်းမာတဲ့ အချိန်မှာ
ငွေကို အလိုရှိ ရပြန်တယ်။
အတတ်ပညာ၊ အသိပညာများစွာကို
ငွေနဲ့ ဝယ်ယူလို့ မရပေမယ့်
ပညာတတ်ဖို့အတွက် ငွေကို
အသုံးပြုကြ ရပြန်တယ်။
ငွေ ရှိနေရင် လူအက
လူတော် ဖြစ်သွားနိူင်ပေမယ့်
ငွေ မရှိရင် လူတော်တွေက
လူအ ဖြစ်သွားကြ ရပြန်တယ်။
လူတကာ ကို ခေါင်းမော့ ရင်ကော့အောင်
လုပ် မပေးနိုင်ပေမယ့်
ငွေ ကြောင့် လူတစ်ချို့ကို
ဒူးထောက်၊အောက်ကြို့လိုက်ရ ပြန်တယ်။
လူတိုင်းရဲ့ မျက်ရည်ကို
သုတ် မပေးနိုင်ပေမယ့်
ငွေ ကြောင့်ပဲ လူတစ်ချို့
မျက်ရည် ကျခဲ့ရ ပြန်တယ်။
နွေးထွေးတဲ့ မိသားစုကို
ဖန်တီး မပေးနိုင်ပေမယ့်
ငွေရဖို့ လူတစ်ချို့က
မိဘရင်ခွင်/မိသားစု အသိုက်မြုံ ကနေ
ရေခြား၊ မြေခြားအဝေးကြီးကို
ထွက်ခွာသွားကြရ ပြန်တယ်။
ငွေကြေးကြောင့်ပဲ အတ္တသမား၊
လောဘသား ဖြစ်စေတယ်။
များများ ချမ်းသာ လာတော့လည်း
အာဏာ၊ပါဝါကို မက်မောလာအောင်
စိတ်ကိုပြောင်းလဲ စေပြန်တယ်။
အာဏာ၊ပါဝါ ရထားသူကိုလည်း
သူ့အား ပြန်လည် မက်မော လာအောင်
ပြုပြင် ပြောင်းလဲ နိုင်ပြန်တယ်။
ငွေ က ဖန်ဆင်းရှင် မဟုတ်ပေမယ့်
ငွေကပဲ လူပေါင်းများစွာရဲ့ ဘဝကို
ပြုပြင် ပြောင်းလဲ ပစ်နေတယ်။
Credit-OriginalWriter
#သုတရသစာပေများစုစည်းရာ
إرسال تعليق