တချို့သင်ခန်းစာတွေက
ငွေပေးပြီး ဝယ်ရတယ်..
ကိုယ့်ဘက်က ငွေဆုံးရှုံးလိုက်ရပြီးမှ
ရလိုက်တဲ့ အသိတရား ။
တချို့ သင်ခန်းစာတွေက
အချိန်တွေပေးပြီး ဝယ်ရတယ်..
ကိုယ့်အချိန်တော်တော်များများ
အလဟဿဆုံးရှုံးလိုက်ပြီးမှ
သိလိုက်ရတဲ့ အမှန်တရား ။
တချို့ သင်ခန်းစာတွေက
ရင်ဘတ်နဲ့ ဝယ်ရတယ်..
"သြော် သူက ဒီလိုပဲ" ဆိုတဲ့ စိတ်နဲ့
နင့်ခနဲ ခံစားရပြီးမှ
လက်ခံလိုက်နိုင်တဲ့ အရှိတရား ။
သင်ခန်းစာတစ်ခုပြီးတိုင်း
ကိုယ်ယုံကြည်ရသူတစ်ယောက်ကို စွန့်လွှတ်ရတယ်..
အနီးဆုံးဓားတွေက
အန္တရာယ်များတယ်ဆိုပေမယ့်
ဘယ်လိုပဲတွေးတွေး နောက်ဆုံး
ကိုယ်ကပဲ အပြစ်ရှိတဲ့သူ မဟုတ်လား ။
ကိုယ်ကသာ သူတို့ ကိုယ့်အပေါ် ဒီလိုလုပ်ဖို့
အခွင့်အရေးပေးခဲ့တဲ့ အမိုက်မဲဆုံး လူသားတစ်ဦးလေ ။
#သက်ထားခင်(THK)
#သင်ခန်းစာ
#24Dec2020
Post a Comment